Nukiit pioreersut nukittorsarlugit siunnersorlutigit nukittoqqititsigit

Nammineq kajumissutiminnik aammalu peqatigiiffimmik pikkorissaaneq pikkorissaaneq kalaallisut oqaasilinnik ingerlanneqassaaq, pikkorissarnermilu peqataaneq akeqarluni.

Pikkorissaanissaq ullunik marlunnik sivisussusilimmik ingerlanneqassaaq. Arlaaniit peqataanissamut isumaqatigiissuteqartoqareersimanngippat.

SULLINNIAKKAT: Sullinniakkat pingaarnertut tassaapput inuit ilinniarsimasut sulinerminni nammineq kajumissutiminnik sulinermi aallutaqartunut, Peqatigiiffilerinermik ilisimasaqarnissaannik suliamut attuumassutillit. Aammalu suliffeqarfinni sulisut peqatigiiffinnik nammineq kajumissutiminnik sullissisut, aammalu naapitaqartartut suliffimminut atatillugu.

Kiisalu sunngiffimmi nammineq piumassutiminnik suliaqartut, peqatigiiffilerisut. Kattuffinni siulersuisunut ilaasortat. Il.il.

SAMMISASSAT:

1. Peqatigiiffiup malittarisassai akuerisaasut.

2. Siulersuisut inissisimaneranni suliassat aqqusaarneqartartut akisussaaffiilu.

3. Ukiumut pilersaarusiorneq peqatigiiffiup ukiumut suliassai pilersaarusiorneri

4. Aningaasanik qinnuteqartarneq, sponsorissarsiornermi qinnuteqariaatit.

ANGUNIAKKAT:

Peqatigiiffilerinermi namminerlu kajumissutiminnik suleqataanermi pikkorissarnermini qularnaareersimassagaat ilisimassallugu tunngaviusumik peqatigiiffilerinermi suleriutit qanoq issinnaanersut.

Sullissisup sunniuteqarluartup peqatigiiffiit nukittuut pilersinnissaat anguniarlugit, piumasaqaatit ataani allaqqasut piginnaanerilersimassagai makkuusut:

• Malittarisassat suleriaaseq malillugu peqatigiiffik ingerlanissaa

• Peqatigiiffinni inuk ataasiinnaq naatsorsuutigineqarani ingerlassasoq

• Peqatigiiffilerisut ataatsimut nukiit pioreersut atorlugit suleqatigiinneq

• Peqatigiiffilerisut sunngiffimmi sullissisoq qanimut paaseqatigiillutik suleqatigiissinnaanngornissai.

PIKKORISSAANERUP IMARISASSAI:

Ilisimasanik paasissutissiineq sullissinermi akunniliulluni ilisimasassat ilagaat:

• Attaveqaqatigiinneq ingerlalluartillugu peqatigiiffik ingerlalluartartoq

• Peqatigiiffik maleruagassai malillugit periuseqarnissaq.

• Pissusilersornissaq pissuserissaarnissallu isumaa.

• Peqatigiiffiit ukiumut pilersaaruteqartariaqartut unammiarnerit allallu siunertaat ingerlalluassappata

Pikkorissaanermi saqqummiunneqassapput:

• Siulersuisut peqatigiiffilerisut akisussaaffii. Tamannalu ingerlanngippat pisussaaffiit.

• Ilaasortat tapersersuisullu amerlisarnissai, qanoq iliorlutik suleqatigiissinnaapat.

PIKKORISSAANERMI PERIUSISSAT

Pikkorissaasut saqqummiisarnerat. Pikkorissaanermi peqataasut sungiusarnermik piviusuusaartitsillunilu takutitsinissamik peqataanissartik naatsorsuutigissavaat, pikkorissaasunik ilitsersorneqarlutik.

INUIT PIKKORISSAANERMI QASSIT PEQATAASINNAAPPAT Illoqarfinni nunaqarfinnilu pikkorissaanermi inuit 8- 25 peqataasinnaapput.

Inuit 8 nerisaqarneq ilanngullugu ullut marluk : 2625,00 kroner

Inuit 8-25 nerisaqarneq ilanngullugu ullut marluk: 1750 kroner

KONTAKT:

Helga Nielsen

Illuigaq b 1785

3961 Uummannaq.

Mobil : 299677